Cesar: Imposibleng di mo magustuhan si Claudine, pero…

CESAR MONTANO AT CLAUDINE BARRETTO

PURING-PURI ni Cesar Montano si Claudine Barretto na first time niyang makakatrabaho sa teleseryeng Bakit Manipis Ang Ulap? na mapapanood na ngayong Pebrero sa TV5.

Pinabulaanan ni Buboy ang mga naglalabasang chika noon tungkol kay Claudine na kesyo mahirap daw itong katrabaho, maraming arte, at kung anu-ano pang isyu ng pagiging pasaway.

Pero kabaligtaran daw lahat ito ng Claudine Barretto na nakakasama ngayon ni Cesar sa nasabing serye ng TV5. Sey pa ng award-winning actor, napatunayan niya na talagang iba ang kalibre ng estranged wife ni Raymart Santiago pagdating sa akting.

“Siya, alam ko ng magaling siyang aktres sa mga pinagdaanan niya. Alam ko labas yun but she became a better person. She became a better actor.

“Mas dumami ang kanyang karanasan tungkol sa pag-ibig, sa buhay. Halo-halo na yun kasi, ang karanasan ang nagiging weapon, tool ng isang artista para mas maging magaling siyang aktor,” dugtong pa ni Buboy.

Hirit pa ng bagong Kapatid actor, “Katulad nga ng binabanggit ko, nauna pa siya sa generator. She was very very excited.

“I was very excited also. Ang call time ko, seven. I was there before seven at saka, noong second day namin, ganu’n din. Na-adjust pala ang time. Ang call time ko seven, I was there ng 6:30.

“Nine pa pala ko, in-adjust pala. I didn’t know. I was there, hindi na ko umalis,” kuwento pa ni Cesar sa nakaraang presscon ng Bakit Manipis Ang Ulap? kung saan makakasama rin nila si Diether Ocampo.

May nagtanong naman kay Cesar kung attracted din ba siya kay Claudine dahil may history nga siya na palaging nali-link sa mga nagiging leading lady niya.

“Attraction in a way yung pagiging professional niya, maganda si Claudine. Imposible namang hindi ka ma-attract kay Claudine. She’s very adorable as a person.

“Pero ngayon, naka-focus kasi ako sa trabaho. Yun ang inuuna ko ngayon as a person and I think, I have all the reason bakit hindi ko gawing ganun yung focus ko. Kasi, there’s so much going on in my career right now,” sey pa ng nakahiwalay na asawa ni Sunshine Cruz.