Halos P200 milyon na ang jackpot prize ng Super Lotto 6/49 bukas.
Ayon sa Philippine Charity Sweepstakes Office walang nanalo sa P184.2 milyong jackpot prize sa bola noong Linggo.
Inaasahang aabot sa P194 milyon ang jackpot prize sa Martes. Ang inilalaki ng premyo ay nakadepende sa dami ng tumataya. Nagkakahalaga ng P20 ang taya sa bawat anim na numerong kumbinasyon.
Walang tumaya sa mga lumabas na numerong 8-7-17-35-06-20 sa huling bola.
Nanalo naman ng tig-P46,310 ang 47 mananaya na nakakuha ng limang numero. Tig-P620 naman ang 2,779 mananaya na nakaapat na numero at balik ang P20 taya ng 50,574 mananaya na nakatatlong numero.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.