Komedyana pumayag maging dyowa ng politiko kapalit ng pera

PANAHON na naman ng eleksiyon, ng mga pulitikong nangangako, kaya marami na namang naaalalang anekdota ang mga miron sa showbiz.
Usung-uso kasi kapag ganitong panahon ang mga artistang tumatanggap ng talent fee para lang magpanggap na kunwari’y karelasyon sila ng mga tumatakbong pulitiko para sa promo.
Naalala ng aming source ang isang komedyanang pumayag na magpanggap bilang girlfriend ng isang pulitikong na-ngangailangan ng publisidad. “Pumayag ang komedyana, kasi, malaki ang ibinayad sa kanya nu’ng politician. E, wala pa naman siyang datung nu’ng mga panahong ‘yun, kaya sinunggaban niya agad ang alok.
“Walang pagdadalawang-isip niyang tinanggap ang offer, nagkunwari siyang girlfriend ng politician, talagang kinakaladkad siya kahit saan sa buong distritong tinatakbuhan ng kuno-kunong boyfriend niya.
“Ang nakakaloka, kapag wala sa paligid ang pulitiko, e, pinagtatawanan ‘yun ng komedyana! Sinasabihan niya ng kung anu-anong salita, kasi nga, ginamit lang siya at naggagamitan lang sila.
“Nanalo ang pulitiko, kaya inangkin niya ang credit, kundi daw dahil sa kanya, e, hindi naman mananalo ang baguhang politician,” kuwento ng aming source.
Heto na. Nu’ng sumunod na eleksiyon, nabuhay na naman ang relasyon nila, nagkunwari na naman silang mag-boyfriend. Rumarampa na naman ang komedyana sa distritong tinatakbuhan ng politician.
Patuloy ng aming source, “Waley na! Olat na ang pulitiko, kulelat pa nga sa laban. Paano nga, wala naman siyang nagawa sa mga constituents niya, wala siyang nagawang maganda, kaya kahit pa magpagulung-gulong sa stage ang komedyana, wala na talaga siyang magagawa.
“Katunog ng isang birth stone ang name ng komedyanang itey, gets mo na?” pagtatapos ng aming impormante.