Lito Camo tatakbong mayor, humingi ng pera kay Willie

Nagsimula nang mag-ce-lebrate ng Christmas si Willie Revillame sa Wowowin sa last taping na ginawa nila noong Huwebes. Ayaw paawat si Willie sa pamumudmod ng regalo sa kanyang audience para sa kanilang Nov. 29 episode.

November episode pa lang ‘yan, ha. Kaya tiyak na mas bongga pa ang December episodes nila. And then, pagpasok ng 2016 ay balitang mapapanood na araw-araw tuwing hapon ang Wowowin.

Anyway, naispatan namin sa taping ng Wowowin ang long-time friend ni Willie at composer na si Lito Camo na balitang namomroblema sa campaign funds para sa pagtakabo niya bilang Mayor ng Mindoro sa 2016.

Sinubukan niyang personal na puntahan si Willie para humingi ng suporta. Bukod kay Lito, nanood din sa taping ng Wowowin si Sen. Cynthia Villar. Nananatiling malapit si Willie sa pamilya ni dating Sen. Manny Villar na ngayon ay punung-abala naman sa negosyo ng kanyang pamilya.

Sa pagbisita ni Sen. Cynthia sa Wowowin ay isinabay na rin niya ang pag-imbita in behalf of Villar SIPAG (Social Institute for Poverty Alleviation and Governance) in partnership with NEGOSYO para sa 5th OFW & Family Summit 2015 “Ipon Mo, I-Negosyo Mo” na gaganapin sa World Trade Center on Nov. 26.

Tiyak na malaking tulong ang magagawa nito sa ating mga OFW at sa kanilang pamilya.