Kalat na: Sam, Jasmine nagkabalikan na?
JASMINE CURTIS-SMITH AT SAM CONCEPCION
DAHIL sa programang Your Face Sounds Familiar kaya kinuhang endorser ng Calayan SurgiCentre nina Drs. Manny at Pie Calayan si Sam Concepcion. Weekly raw ka-sing napapanood ang binata sa TV at malaking exposure ito para sa ineendorso niyang Tenor Laser Non-Surgical Body Scult para mapanatili ng singer/actor ang kanyang boyish look.
Sabi ni doc Manny, non-surgical ang serbisyong ibibigay nila kay Sam para lagi itong baby face.
Maintenance na lang naman ang kailangan ni Sam dahil maganda na ang kutis nito at sa edad 23 ay mukha pa rin siyang teenager.
Samantala, for the nth time ay muling tinanong si Sam tungkol sa ex-girlfriend niyang si Jasmine Curtis, totoo bang nagkabalikan sila matapos magkasama sa isang play.
“Inevitable talagang hindi matanong, pero, I don’t think it’s something that we focus on, basta masaya lang. Basta, we’re just okay, maayos kami. This is what we’re experiencing now, communications are okay.”
Sa tanong kung anong mayroon kina Sam at Jasmine at maganda ang relasyon kahit break na, “Kasi we experienced a lot together kasi, we grew together as well, hindi mo matatanggal ‘yun.”
Pero alam n’yo bang childhood crush ni Jasmine si Sam kaya siguradong hindi niya malilimutan ang binata.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.