Santiago tumangging ilabas ang kanyang medical records
TUMANGGI si Sen. Miriam Defensor-Santiago na pagbigyan ang kahilingan ng isang doktor na isapubliko ang kanyang medical record para patunayang siya ay malusog para makatakbo sa 2016.
Sa isang open letter kay Santiago, sinabi ni Dr. Sylvia Estrada Claudio na dapat ilabas ang kanyang medical record “because if you did not receive a miracle, there is a great probability that you will not survive your 6-year term—should you win.”
Kumalat ang sulat sa social media matapos maghain si Santiago ng kanyang certificate of candidacy (COC) noong Biyernes para sa pagka-presidente sa 2016 elections.
Tumanggi naman si Santiago na ilabas ang kanyang medical record.
“No. Because that’s my right to privacy. Ngayon (Now) if she wants to, she can go to St. Luke’s Global in Makati and she can formally ask there in writing, then St. Luke’s will follow their protocol,” ayon kay Santiago.
“I’ll abide by it. Susundin ko kung ano man ang sinasabi ng hospital tungkol doon pero alam mo sa ating Civil Code at ating Criminal Code, hindi pwedeng pilitin ng abugado ang isang pasyente na ibunyag sa korte ang relasyon nila ng doctor nya. All of these are covered by private human rights.”
Nauna nang sinabi ni Santiago na magaling na siya.
“Anong ibig nyang sabihin, hindi ako nag ka-cancer? E bakit ako nag absent for one and half year? Wala naman sa record ko na magbubuklakbol ako…”aniya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.