Jennylyn, Dennis certified AlDub fans

TULOY pa rin ang mga makapigil-hiningang eksena sa pinag-uusapang GMA Telebabad series na My Faithful Husband. Ngayong gabi, narito ang kailangan n’yong aba-ngan.

Hindi napapapigil si Emman (Dennis Trillo), sumakay na silang taxi ng kanyang pamilya habang pumipiglas kay Cedes (Snooky Serna) na itinatakwil na si Emman bilang anak niya.

Darating si Mylene (Louise delos Reyes) sa bahay nila nang maabutan niya si Melanie (Jennylyn Mercado). Sinabi ni Melanie na may sorpresa siya pero bigla siyang tatanungin ni Mylene kung saan sila nagpunta ni Dean (Mikael Daez).

Walang kaalam-alam si Mylene na nandoon pala si Emman at narinig ang tanong niya. Emman asks Mel kung bakit hindi nito sinabi sa kanya na magkasama sila ni Dean. Windang sina Mylene at Melanie.

Ipaliliwanag ni Mel ang naging encounter nila ni Dean. Inis si Emman na ginagambala pa rin ni Dean ang asawa. Pagsasabihan ni Charito (Lynn Cruz) si Dean tungkol sa panghihimasok niya kay Mel, pero pursigido pa rin si Dean na suportahan ang da-ting karela-syon.

Yayayain ni Mel si Emman na makipagtalik, pero hindi pa rin handa si Emman dahil hindi pa rin malimutan nito ang ginawa ni Mel at Dean.

Magpapakalasing si Emman kasama ang kanyang mga kaibigan, doon lang siya nagkalakas ng loob para makipagtalik kay Mel. Malungkot naman si Mel dahil ginalaw lang siya ng asawa dahil lasing ito.

Matatagpuan ni Emman ang mga pictures dati ni Mel at Dean noong college. Maiirita na naman ito.
Mai-insecure si Emman dahil hindi niya mapapantayan si Dean sa katalinuhan, mas lalong madidiin na baka bobo siya.

Mararamdaman ni Cedes (Snooky Serna) ang pagkawala ng sustento ni Emman. Susugod ito kay Emman para maningil pero tatanggihan siya ni Emman. Aalis si Cedes nang galit na galit.

Samantala, mga self-confessed AlDub fans din ang rumored couple na sina Dennis at Jennylyn.
Ilan lamang sila sa mga Kapuso stars na nakiisa noong Sabado sa National Pabebe Wave Day ng Eat Bulaga.

Kumalat sa social media ang litrato ng dalawang Kapuso stars na naka-Pabebe wave. Patunay ‘yan na hindi lang mga pangkaraniwang dabarkads ang humahanga kina Alden Richards at Maine Mendoza (Yaya Dub) kundi pati na rin ang mga celebrities.