Barbie Xu ng ‘Meteor Garden’ nagulat din sa Aldub, akala isang pet
DAHIL halos araw-araw ay trending worldwide at umaabot ng milyon ang tweet ng AlDub, ang love team nina Alden Richards at Maine Mendoza, ilang kilalang personalidad ang patuloy na naku-curious dito.
Ang pinakahuli ay ito ngang si Barbie Xu o mas kilala ng Philippine television viewers na Shan Cai sa Taiwanese teledrama na “Meteor Garden”.
Nagulat na lamang si Barbie kung bakit halos araw-araw ay milyong tweets ang nakukuha ng split-screen lovers ng AlDub.
Sa tweet nito sa kanyang official Twitter account nitong Lunes, tanong nito: “What is Aldub it’s trending everyday?”
Mabilis pa sa alas-kwatro ang sagot ng mga fans sa tanong ni Barbie. Anila, ang AlDub ay isa “phenomenal” loveteam sa Pilipinas.
Umabot sa halos 2,000 ang nag-retweet ng tweet ni barbie.
Ayon sa Taiwanese actress akala niya ay isang pet ang AlDub.
“I thought its a pet,” tweet pa niya.
Nitong Sabado, muling winasak ng AlDub ang Twitter record nang makakuha ito ng 12 milyon tweet kaugnay sa kauna-unahang date ng love team.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.