Roxas ikinumpara ang Mar-Poe tandem sa AlDub tandem

IKINUMPARA kahapon ni Interior Secretary Mar Roxas ang posibleng tambalan nila ni Sen. Grace Poe na Mar-Poe sa AlDub phenomenon.

“Well ‘yung tandem na ‘yan parang si AlDub lang yan eh. Hashtag May Tamang Panahon,” sabi ni Roxas, kaugnay naman ng love team sa pagitan nina Alden Richards at Internet sensation na si Yaya Dub na ang tunay na pangalan ay Nicomaine Dei “Maine” Mendoza.
“Mangyayari at mangyayari din ‘yan sa tama ng panahon,” ayon pa kay Roxas kaugnay naman ng Mar-Poe tandem.
Milyon-milyong mga tagahanga ang sumusubaybay sa AlDub mula nang ito ay magsimula sa noon-time variety show na “Eat Bulaga.”