Jackpot sa Ultra Lotto 6/58 aabot na sa P160M sa Biyernes
Inaasahang aabot na sa P160 milyon ang jackpot prize ng Ultra Lotto 6/58 sa Biyernes.
Ayon sa Philippine Charity Sweepstakes Office walang tumama sa P153 milyong jackpot prize sa bola noong Linggo kung saan lumabas ang mga numerong 53-29-19-51-26-33.
Umabot sa P20.9 milyon ang halaga ng itinaya para sa naturang bola. Sa bawat P1 itinataya sa lotto, 55 sentimos ang napupunta sa Prize Fund, 30 sentimos sa Charity Fund at ang nalalabi sa operasyon nito.
Nanalo naman ng tig-P262,410 ang apat na mananaya na nakakuha ng limang numero. Tig-P2,440 naman ang 344 mananaya na naka-apat na numero at balik-taya (P20) ang 9,670 mananaya na nakatatlong numero.
Samantala, wala ring tumama sa P66.8 milyong jackpot prize ng Super Lotto 6/49 kaya inaasahang aakyat ito sa P71 milyon sa bola sa Martes. Ang mga lumabas na numero ay 29-44-33-36-40-06.
Sampu naman ang nakakuha ng limang numero at nanalo ng tig-P70,000. Ang nakatatlong numero ay P1,440 ang tinamaan at balik-taya ang 11,346 mananaya.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.