Ella Cruz naghakot ng fans sa mall show ng TV5

“My gosh, ‘Bang-Bang’ na nga lang wala pa sa tono? Who’s that girl?” Ito ang reaksyon ng mga taong nakapanood at nakarinig kay Ella Cruz habang kumakanta sa #ParangNormal Activity mall show noong Sabado.

Oo nga, bakit nga ba ang lakas ng loob ni Ella kumanta, e, wala naman sa tono? At least hindi siya nag-lipsynch, di ba? At ang reaksyon pa ng isang nakapanood, “Kanya-kanyang trip lang ‘yan.”

Anyway, heto pa ang tsika, “Kaloka talaga itong si Ella Cruz, one fourth ng audience ay fans niya at lahat sila naka-uniform ng gray as in at sabay-sabay na sigawan to the max hanggang sa mapatid ang mga litid.

Hakot talaga ang fans ni Ella para may tagapalakpak at tagasigaw siya.” Natawa na lang siguro si Kiray Celis kay Ella dahil sa emote ng fans! Si Kiray ang naging opening number with Jennifer Lopez’s “Dance Again” at in fairness naman nasa tono ang komedyana at may audience participation pa.

Singer naman talaga si Kiray at hindi nagli-lipsynch. E di ba, bossing Ervin kaya nga nadiskubre ang lola mo dahil sa mga lumang awitin nu’ng sumali siya sa Munting Ms U sa Magandang Tanghali Bayan noon sa edad na apat hanggang sa sumali na siya sa Goin’ Bulilit.