Alex Gonzaga posibleng ma-in love kay Ejay Falcon

ALEX GONZAGA AT EJAY FALCON

MALAKING hamon sa Dreamscape Entertainment ang pagsamahin sina Alex Gonzaga at Ejay Falcon sa isang proyekto. Ang komento kasi ng ilan ay hindi nila nakikitaan ng chemistry o kilig man lang ang dalawa.

For obvious reasons ay seryoso at sexy actor si Ejay tulad ng umeere niyang seryeng Pasion de Amor bukod pa sa action star siya, samantalang si Alex ay komedyana at puwede ring maging seryosong aktres tulad ng ginawa niya sa Pure Love.

But knowing Dreamscape Entertainment head na si Deo T. Endrinal, tiyak na magagawa niyang interesting ang kuwento ng Wansapanataym episode ng dalawa na ididirek ni Andoy Ranay.

I Heart Kuryente Kid ang titulo ng bagong season ng Wansapanataym nina Alex at Ejay na mapapanood na sa Agosto kapalit ng My Kung Fu Chinito nina Richard Yap at Enchong Dee.

Pero teka bossing Ervin, hindi ba’t type ni Alex ang dirty looking o bad boy image, kaya hindi kaya ma-develop siya kay Ejay habang sinu-shoot nila ang I Heart Kuryente Kid? Remember, hindi naman nagkakalayo ng itsura at imahe ni Ejay kay Kean Cipriano na naging espesyal din noon kay Alex.