Ate Vi goodbye na sa politika; mas type bumalik sa showbiz

VILMA SANTOS

PATUNGONG Europe anytime si Batangas Gov. Vilma Santos kasama ang mister na si Sen. Ralph Recto. May speaking engagement doon ang mag-asawa para sa mga kababayan nating OFW.

Unlike their recent US trip na almost a month silang nagbakasyon, sandali lang daw sa Europe ang famous couple. Kailangan din kasi na bumalik agad ni Gov. Vi para sa shooting ng bago niyang pelikula sa Star Cinema at pagsasama nilang muli ng kanyang future daughter-in-law na si Angel Locsin.

Bago umalis si Gov. Vi ay nag-look test muna siya kasama si Angel. Ayon sa aming source, almost the whole afternoon daw kinunan sina Vilma at Angel sa ABS-CBN.

Ibang look ulit ang makikita kay ate Vi sa bago niyang pelikula under Star Cinema. Bago pumunta ang Star For All Seasons sa ABS-CBN noong Huwebes ay nagpakulay at nagpagupit na raw siya ng buhok. Kailangan daw kasi na iba ang hairstyle niya for her role sa movie.

Tinapos na ni Gov. Vi lahat ng pre-production requirements and meetings sa ABS-CBN last Thursday para nga naman wala na siyang iisipin sa pagpunta nila sa Europe.

Habang nasa Europe naman si ate Vi, plaplantsahin na lahat ng kailangan para sa shooting ng movie nila ni Angel. At pagbalik niya from their trip, sasabak na agad sa kanyang first shooting day ang batikang aktres.

Usap-usapan naman ang susunod na step na gagawin ni Gov. Vi sa kanyang political career. Mukhang firm ang decision niya na tatapusin lang niya ang kanyang term as governor of Batangas and then bye-bye na siya sa politics kahit na ang left and right ang offer sa kanya to run for a higher position.

Mas type pa yata ni Gov. Vi na bumalik sa showbiz at gumawa pa ng mga makabuluhang pelikula. At malay natin she’ll do a teleserye rin sa mga darating na panahon ‘di ba? ‘Yun ay kung ‘di mako-convince si Gov. Vi na ipagpatuloy ang kanyang political career and run for a higher office sa government.