Jasmine nahuling umiiyak dahil kay Sam

SAM CONCEPCION AT JASMINE CURTIS SMITH

ISA si Jasmine Curtis sa mga host ng bagong game show ng TV5, ang Happy Truck Ng Bayan na maglilibot sa mga barangay sa buong Metro Manila at magsisimula na sa June 14, Linggo, 11 a.m..

Bukod kay Jasmine, kasama rin dito sina Ogie Alcasid, Mariel Rodriguez-Padilla, Gelli de Belen, Tuesday Vargas, Empoy Marquez, Shaira Mae, Akihiro Blanco, Mark Neuman, Vin Abrenica, Chanel Morales, Kim Idol at sina Janno Gibbs at Derek Ramsay na parehong hindi nakadalo sa presscon noong Miyerkules ng gabi.

Sa panayam namin kay Jasmine, inamin niyang masaya siya sa trato ng TV5 sa kanya at kuntento siya sa pag-aalaga ng network.

“After Move It (Battles of the Streetdancers), heto na, may new show ulit na Happy Truck Ng Bayan kaya walang rason para hindi maging happy sa TV5,” masayang sabi ng dalaga.

Natanong kasi si Jasmine tungkol sa tsikang aalis siya sa TV5, “I still have a contract ‘til end of 2016, and I never thought about it and I don’t know if there’s an offer, baka hindi lang sinasabi sa akin ng manager ko, I’m happy with the way I am, and I have this new thing (show) and I appreciate it.

“Hindi naman po ako naiinip sa takbo ng career ko because they (TV5) allow us naman to work outside, there’s a way naman to work and pabago-bago naman ang pinagagawa sa akin ng TV5 at katatapos nga lang ‘yung dance show.

“Tapos biglang variety show, so this is a new genre to work with on a different scene, sometimes in a studio, then barangay na kailangan mong kausapin, so getting ready for the pawis, ‘yung init, ‘yung ingay, it’s adventure sa akin,” kuwento ni Jasmine.

Samantala, ayaw na talagang pag-usapan ni Jasmine ang ex-boyfriend niyang si Sam Concepcion. Natanong kasi siya tungkol sa balitang nakita raw silang magkasama ni Sam sa The Fort at umiiyak daw siya.

“I don’t think I have to share what’s in the past. We’re in the future, let’s talk about the happy life, the longer we talk about it, the longer people would tell that there is grudge, etcetera. Also I think it’s better now that the information’s regarding this would just keep to myself and the other person such a personal interaction,” katwiran ng aktres.

Naging seryosong bigla si Jasmine nang mapunta ang usapan kay Sam kaya hindi na kami nagtanong pa. Muli naman siyang sumigla nang mapag-usapan uli ang Happy Truck Ng Bayan. Dito rin niya ibinalita na naaksidente siya sa nakaraang Toyota Vios Cup Leg race, mabuti na lang daw at naka-seatbelt siya.

Masang-masa naman ang mga palaro ng Happy Truck Ng Bayan tulad ng Barangay’s Most Wanted, Bida Ng Dance Floor, OCW: Ohhh Construction worker!, Barangay Bayani, Ta-Wattpad, Ready, Set, Goma!, Sing-Ko at Kwarta o Kwar-truck.

Sa mga taga-barangay Gagalangin, Tondo, barangay San Juan, barangay Valenzuela, barangay Rodriguez, Rizal at iba pang barangay na pinaka-populated sa buong lugar sa bansa ang ilan sa mga pupuntahan ng Happy Truck Ng Bayan.