Ellen, Coleen, Jake, Ejay, hubaran at paseksihan ang labanan | Bandera

Ellen, Coleen, Jake, Ejay, hubaran at paseksihan ang labanan

Reggee Bonoan |May 25,2015
facebook
share this

Ellen, Coleen, Jake, Ejay, hubaran at paseksihan ang labanan

Reggee Bonoan - May 25, 2015 - 02:00 AM

ellen adarna

Nagkakabiruan ang mga katoto na tiyak na uuwi nang maaga ang mga kalalakihan simula sa June 1 para mapanood ang seryeng Pasion de Amor dahil ang seseksi raw ng mga bidang sina Coleen Garcia, Arci Muñoz at Ellen Adarna.

At ang mga bading naman ay tiyak na magsasawa sa mga hubad na katawan nina Joseph Marco, Ejay Falcon at Jake Cuenca.
Oo nga, totoo naman dahil isipin mo bossing Ervin, bago mag-TV Patrol ay mapapanood na ang Pasion de Amor kaya hindi na kami magtataka kung humataw agad ito sa ratings game.

Sa presscon ng serye ay natanong ang mga bida kung paano nila pinaghandaan ang kani-kanilang role na talagang puro palaban sa paghuhubad.

Unang sumagot si Ejay, “Yung magandang katawan kasi ang unang hinanap namin. Kaya panay ang gym namin.” Say naman ni Ellen na partner ni Ejay, “Parehas kami ng pinagdaanan lahat.

Although ako, last year, tumaba ako nang bonggang-bongga! At siguro tatlong beses na akong pinagsabihan na kailangan ko nang pumayat! Pumayat ako ng slight pero magpapapayat pa rin ako! Kasi bawal ang mataba sa show na ito!”

Kuwento naman ni Jake na nanggaling ng Amerika, “Ako nag-lose ng 25 pounds. Kasi nga pagkatapos ng Bench, mataba ako noon pero nu’ng binigay sa akin ni Direk Ruel (Bayani) ang oportunidad na gawin ang Pasion de Amor, naging desidido ako na maging payat ulit.

“Tapos, in terms of acting, nag-workshop kami. Nanggaling din ako ng New York. Nag-aral for one month. Ina-apply ko lang ang natutunan ko at mukhang okey naman,” dagdag ni Jake.

Sabi naman ni Arci Muñoz (dating Kapuso na naging Kapatid at ngayon ay Kapamilya na mga) na kapartner ni Jake sa serye, “Unang-una, pinapanood sa amin ang original.

Hindi para gayahin kungdi para kumuha ng inspirasyon. Hindi naman puwede kasing mawala ang ibang elemento. “At siyempre, bilang dalawang seksing babae ang kasama ko at ako ay malaking babae talaga, pinapahirapan nito (sabay tingin kay Ellen) ang buhay namin! Ha-hahaha! Kaya kailangan talaga maintain ang katawan.

And very comfortable na naman ako kay Jake!”  Ayon naman sa seksing girlfriend naman ni Billy Crawford na si Coleen, “Sa akin, apart from the individual preparation that we had, what becomes most helpful is yung bonding namin.

Kasi challenge talaga kasi kahit gaano kagaling ang isang artista, pero kung hindi makikita ang connection ninyo, hindi rin magwo-work.

“Like for example, between me and Joseph, or between me and my two sisters, kailangan believable talaga na magkakapatid kami! Or partner kami. Yun siguro ang dapat naming paghandaan, yung makita ng tao ang chemistry namin,” paliwanag pa ni Coleen.

Ang tinatawag naming “lumang tao” na si Joseph Marco ang love interest ni Coleen sa show at naging inspirasyon din ng aktor para mag-gym, “Yung bonding namin, sensuality workshop! Dumaan din ako ng workshop sa bartending at horse riding. Siyempre, thankful ako kay Coleen.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

“Nu’ng December, kain ako nang kain at nakita ko ’yung posts niya sa Maldives. Sabi ko, heto ang partner ko! I wanna get back in shape! Ha-hahaha! So, thank you, Coleen for inspiring me!” dugtong pa ng aktor.

Ito ay sa direksyon ni Eric Quizon mula sa unit ni Ruel Bayani.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending