Kris atat na atat maging kabit

KRIS AQUINO

NAGSALITA na si Kris Aquino tungkol sa pag-atras niya sa pelikulang “Etiquette For Mistresses” kung saan gaganap siyang kabit sa direksiyon ni Chito Roño mula sa Star Cinema.

Nasulat namin kamakailan na hindi na gagawin ng TV host-actress ang pelikulang hango sa libro ni Julie Yap Daza dahil bawal sa pinirmahan nitong kontrata na may morality clause.

Tawa nang tawa si Kris sa panayam niya sa TV Patrol na noong pinirmahan daw nila ni Boy Abunda ang kontrata ay nagsabi raw silang pareho na wala silang pakialam sa morality clause dahil ang ginagawa naman daw niyang mga pelikula ay comedy at horror, “Malay ko ba namang may mag-o-offer sa akin ng daring role tulad nito,” katwiran ng Queen of All Media.

Kuwento ni Kris, “Unfortunately, I have a contract with multi-national, buti nabasa ko, praise God nagbasa ako, two hundred seventy pages ‘yun and this is my fourth renewal contract.

“Hindi namin na-realize ni Boy that the contract clause na portrayal of characters in movies, teleserye and all that would run contrary to the image that you are projecting a family woman, as a mother ganu’n,” aniya.

So contradicting sa Filipino values ang papel niyang kabit sa nasabing pelikula ng Star Cinema.

Kaya kinausap daw siya ng managing direktor ng nasabing movie outfit na si Malou Santos, “Kinausap ako ni tita Malou at ni direk Chito, sabi ko, kung gusto ninyo pa akong ma-include sa movie, I could be the wife, e, ang sabi nila, ang title ng movie is ‘Etiquette For Mistresses’, so maliit na ‘yung role.

“Unfortunately, sayang it was not really meant (for me) sayang, I was really excited with the casting and I was not allowed to mention but two of the girls there are really close to my heart, reunion sana namin. Pero ‘yun, siguro it was not meant for me so hindi na tuloy, nag-backout na ako,” kuwento ni Kris.

Dagdag pa ng TV host, “Kaya nga sabi ni Boy, it was a lesson learned to read the (full) contract.”