Kris pinatunayang di nag-collapse si Noynoy, naglabas ng ebidensiya

MAY paliwanag si Kris Aquino kung bakit niya tinanggap ang pelikulang “Etiquette of Mistress” na ididirek ni Chito Roño kahit alam niyang maraming mangnenega sa kanya dahil minsan sa buhay niya ay naranasan din niya ito.

Ang sabi ni Kris tungkol dito, “I accepted for one reason-because of Chito Roño. And I believe the past will give me a very clear perspective on how to portray the character, ika nga ng song, ‘I’ve looked at love from both sides dow, from give and take and still somehow, it’s love’s illusions I recall. I really don’t know love at all.’”

Dagdag pa ng TV host-actress, “Di ba, I’ve been on both sides of the fence?” Oo nga, matagal na panahon na iyon pero hindi pa rin nalilimutan ng mga tao lalo na nu’ng lumantad siya sa telebisyon para sabihing nagkaroon siya ng STD na nu’ng mga panahong iyon ay katatapos lang ng relasyon nila ni Mayor Joey Marquez.

“Reggs, it’s been 12 years, everybody has moved on. Kinasal, nagka-baby, and na-annul na nga ako. And as I said, anything for Direk Chito, 100% trust,” katwiran pa ng Queen of All Media.

Hmmmm, masyadong naging seryoso ang topic natin kay Kris bossing Ervin. I-share naman natin sa readers natin ang nakakaaliw na palitan nila ng mensane ng kuya niyang si Presidente Noynoy nu’ng mga oras na napabalitang nag-collapse raw ito.

Kinailangang i-post ni Kris ang palitan nila ng mensahe ni P-Noy noong Marso 20 para patunayang hindi totoo ang balita.
Habang binabasa namin ang mensahe nila sa isa’t isa ay natatawa kami kasi hindi namin akalain na ganito pala makipagbiruan ang Presidente ng Pilipinas sa kapatid niya.

Sa Instagram ito ipinost ni Kris na aniya’y nangyari alas-9:34 ng gabi. Text ni P-Noy sa kanyang sister, “This reminded me of you (Kris) WHAT IF CONYO LAHAT NANG NASA PINAS?
“MAGNANAKAW 1: holdap make bigay all ur thingies, Don’t make galaw or will make tusok u!”
“MAGNANAKAW 2: make suko, we made you napaligiran!”
“IMPEACHEMENT TRIAL: You are so asar, I’m galit na to you!”
“NEWSCASTER: OMG, I have hot balita to all!”
“PASAHERO 1: Sir payment!”
“PASAHERO 2: Manong, faster please! I’m nagmama-hurry!”
“KARPENTERO: Can I hammer na the pokpok?”
“MAGTATAHO: Taho! Make bili na while it’s init! I’ll make it with xtra sago!”
“PULUBI: Knock, knock pa-beg!”

Sumagot naman kaagad si Kris sa kuya niya ng, “Ang weird, you texted right at the moment I was praying Rosary for you! As in fourth Mystery now! Pauwi kami from taping in Pampanga.”

Na-imagine naming napangiti si P-Noy sa sagot niya kay Kris, “When I first got that, ikaw ang naaalala ko.” Seryosong sagot naman ng Presidential Sister, “Okay, I don’t know if I should be touched, flattered or just laugh.”

Sagot naman ni P-Noy, “All of the above. Drive safely.”