Shooting ng sexy movie nina Sam at Coleen laging ‘minamalas’

Speaking of friends with benefits ay tungkol naman ito sa pelikulang “Ex With Benefits” nina Sam Milby at Coleen Garcia mula sa Star Cinema, tinatanong kasi kami ng fans ng aktor kung kailan daw ito ipalalabas?

“Ms Reggee, ask lang po namin, kailan po ipalalabas ang ‘Ex with Benefits’ nina Sam at Coleen? Kasi ang tagal ng sinu-shoot, hindi pa tapos, lagi pang pack-up?” tanong sa amin ng Milby Addicts, supporters ng aktor.

Oo nga balita nga rin namin ay parating pack-up, anyare? Nagtanong kami sa taga-Star Cinema, “conflict of schedules po.  Maraming inaayos,” matipid na sabi sa amin.

Conflict of schedules? Paano nangyari, e, Showtime lang naman ang show ni Coleen at si Sam naman ay wala kaming alam na ginagawa o pinagkakaabalahan maliban sa pag-aalaga ng aso niyang si Thor?

Yes bossing Ervin, nakikita namin sa social media account ni Sam na parating kasama niya ang aso niyang si Thor habang nagigitara. Nu’ng isang araw ay nakita naming nasa 25th year anniversary celebration ng Diana Stalder Skin Care si Sam sa Manila Hotel na balita namin ay hindi rin nagtagal sa event.

Anyway, sana nga mag-resume na ang shooting sina Sam at Coleen para magka-alamanan na kung ano ang revelation sa kanilang dalawa sa pelikula.