Tambalang Ryzza Mae-Alonso Muhlach ‘minalas’
Ang bilis ng ABS-CBN dahil nakuha nila kaagad ang serbisyo ni Alonzo Muhlach, ang bibong anak ni Niño Muhlach.
Akala namin ay sa GMA nakakontrata si Alonzo dahil nga sa pelikulang “My Big Bossing” ni Vic Sotto at bilang partner naman ni Ryzza Mae Dizon siya unang napanood at higit sa lahat, inisip naming magiging permanent partner na sila ni Aling Maliit.
Kasama si Alonzo sa upcoming seryeng Inday Bote ni Alex Gonzaga kasama sina Kean Cipriano at Matteo Guidicelli mula sa Dreamscape Entertainment.
Si Alonzo raw ang dwendent magiging tagabantay at magbibigay ng suwerte kay Alex. Proud daddy naman si Niño sa anak dahil nakikita niya ang sarili sa bagets noong magkasing-edad sila, “Pero mas magaling ang anak ko sa akin, mabilis mag-isip,” say ng tinaguriang child wonder noong ‘70s.
Kung alam nga raw ni Niño na magiging artista ang anak sana raw noon pa niya ito tinuruang mag-Tagalog. English daw kasi kalimitan ang usapan nila sa bahay.
Samantala, nananatiling namang nasa number 3 slot ang “My Big Bossing” sa 2014 MMFF.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.