James, Michaela muling pinaligaya sina Bimby at Josh
Mukhang tuluy-tuloy na nga ang magandang relasyon ng ex-couple na sina James Yap at Kris Aquino. Kahapon naging usap-usapan na naman sa social media ang ipinost na larawan ng baskeball player sa Instagram kasama ang kanyang girlfriend na si Michela Cazzola.
Madalas na namang nagpo-post si James ng picture nila ni Michela, pero marami ang muling natuwa nang makita muli ang cager at ang GF nito na kasama ang mga anak ni Kris na sina Joshua at Bimby.
Kung hindi kami nagkakamali, ito yata ang second time na nag-post sa IG si James ng picture nila kasama ang dalawang bagets.
Mas lalong naging kapansin-pansin ang nasabing larawan dahil sa caption na inilagay ni James, “Pizza night with my loved ones ?? #happy #love #family.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.