Arjo Atayde naunahan ni Joseph Marco sa puso ni Alex Gonzaga

TANONG ng nakararami, bakit daw si Joseph Marco ang ka-date ni Alex Gonzaga sa darating na Star Magic Ball, bakit daw hindi si Arjo Atayde na siyang partner ng dalaga sa seryeng Pure Love na napapanood sa ABS-CBN.

Ang alam namin ay hindi nagsabi si Arjo kay Alex na sila ang magkasama sa Star Magic Ball at para mas maliwanag ay pinatawag namin si Arjo kahapon, “Actually, tita, gustung-gusto kong magsabi kay Alex, kaya lang I respect what she said before na she’s not ready yet for a date or magpaligaw, so hindi ako nag-try na magsabi.

“I will wait na lang when she’s (Alex) ready. Ayoko po kasi ng mangulit baka ma-turn off siya,” katwiran ng binata sa amin.
Niliwanag din ni Arjo na hindi humingi ng permiso sa kanya si Joseph, “He did not ask for permission sa akin kasi bakit naman, hindi ko naman girlfriend si Alex, nagsabi siya na he’s going to ask Alex, sabi ko, ‘Go ahead, bro.’  Joseph is my bestfriend, sobrang bestfriend ko po siya talaga kaya support ako talaga.

“E, hayun, napa-oo niya, hindi ko alam paano niya napa-oo. Ha-hahaha!” tumatawang sabi ni Arjo. Sabagay, si Joseph naman talaga ang ka-loveteam ni Alex sa Pure Love dahil siya ‘yung may good intension.

At sa nakaraang mall show daw ng cast ng Pure Love sa Marquee Mall ay sobrang natuwa raw ang tao sa binata nina Sylvia Sanchez at papa Art Atayde.

Ano bang ginawa ng binata? “Ah, the usual tita, kumanta ako ng ‘Smooch’ tapos ‘yung ngiti ko. Ha-hahaha! Niloloko nga ako ni tita Neneth (handler niya) kasi ‘yun at ‘yun lang lagi ang kinakanta ko, baka raw maski tulog ako kumakanta ako.

“E, kasi tita, hindi pa ako nakakapag-aral ng bagong kanta. Ayoko naman ng recording, mas gusto kong mag-live kasi hindi nga ako singer, so ito ‘yung chance kong kumanta.

“Mag-aaral na ako ng bagong kanta, gusto ko ‘yung ‘Di Na Natuto’ ni Gary V, pag-aaralan ko talaga.  Tapos ‘yung ‘Shout For Joy’ at ang last ko, ‘Warrior of A Child,’” masayang sabi sa amin ni Arjo.

Seryoso ba si Arjo na pawang Gary V hits ang kakantahin niya sa susunod na mall show ng Pure Love, “Puwede tita. Seryoso, gusto ko talaga ‘yung Di Na Natuto.”

Kaya sa mga susunod na mall show ng cast ng serye, e, may bago na raw kakantahin si Arjo.  Samantala, hindi lang si Arjo ang most applauded sa nakaraang mall show kasama rin sina Joseph Marco, Yen Santos at Alex na nagpakitang gilas din sa pagkanta at bumati naman sina Sunshine Cruz at Dante Ponce.

( bandera.ph file photo )