Alam na ni Bimby na may iba pang anak si James!–Kris

JAMES YAP KRIS AQUINO AT BIMBY

HINDI na nagulat ang sambayanang Pilipino sa pag-amin ni James Yap kay Anthony Taberna sa programang Tapatan ni Tunying na may panganay siyang anak bago ang anak niya kay Kris Aquino na si Bimby.

Matagal ng tsismis ito, pero walang pag-amin noon sina James at Kris. Kaya ngayong tahasang umamin na si James ay kinunan namin ng komento si Kris tungkol dito at kung aware ang anak nilang si Bimby.

“Regs, nagpapa-annul palang kami, issue na ito, I don’t want to comment kasi hindi ko naman kailangang pag-usapan ang life ni James. Regarding Bimb, I told him when he was five and could understand na. No big deal naman for Bimb,” paliwanag ng TV host-actress.

At para hindi na kami makapagtanong pa ng ibang isyu ay nagkuwento na lang si Kris kung kailan magsisimulang mag-shooting si Bimby para sa “Praybeyt Benjamin 2” kasama si Vice Ganda.

“Bimb will start to shoot at the end of July, push natin ha,” lambing ng Queen of All Media. Dagdag pa nito, “Ako naman, I’ll be shooting ‘Feng Shui’ on August 12 kasi that’s lucky according to feng shui.”

Masaya ring sinabi ni Kris na sarap na sarap siya sa nilutong sinigang na salmon ni Judy Ann Santos, “Grabe, the best sinigang ever na natikman ko, super sarap talaga, walang sinabi ang mga hotel-hotel na ‘yan. Mas masarap pala ang yellow salmon (kesa pink). Papabili nga ako,” pagmalalaki ni Kris.

At marahil ay alam ni Kris na may hinihintay pa akong sasabihin niya tungkol sa ibang isyu kaya nagsabi siya ng, “Dedma na sa lahat ng isyu, super ignore.”

Ha-hahaha! Natawa kami bossing Ervin dahil ang talas pala talaga ng pakiramdam ni Kris, e. Pero bakit sa lovelife, parang mahina ang pakiramdam niya?