Joseph Marco: Hindi ko niligawan si Empress!

Tahasang itinanggi ni Joseph Marco na naging girlfriend niya si Empress sa presscon ng seryeng Pure Love na eere na sa Hulyo 7 sa ABS-CBN. Kaya napaisip kami, may usapan ba sila na huwag aamin sa kanilang relasyon kapag may nagtanong?

Hindi naman itinanggi ng aktor na attracted siya sa dalaga, “Wala talaga, kung magka-girlfriend man ako aaminin ko. Kasi I’ve been single for like, I think three to four years na.

“So ‘pag nagkaroon ako ng girlfriend, gusto ko ilabas ko naman not because of my job dahil puwede namang maging discreet, ‘di ba? But then again I just really wanna focus on my career pero siyempre minsan nami-miss ko, I wanna have a girlfriend.

“Gusto ko may nakakasama ‘pag lumalabas. But siguro mas malaki yung feeling ko na gusto kong mag-focus muna talaga sa work ko,” katwiran ng aktor.

So read between the lines, my dear readers, career pa rin ang priority ni Joseph Marco. Pero inamin naman niya na, “Dati nagustuhan ko talaga siya (Empress). Pero hindi ako nanligaw, never akong nanligaw.

I think hindi ko naman kailangang sabihin. Nalaman naman niya. But, siguro ang lakas ng feeling na priority talaga namin ay ‘yung mga career namin. Siguro, I like her pero parang ganu’n lang.”

As of now ay hindi na raw nagkikita sina Empress at Joseph dahil busy siya sa tapings ng Pure Love, “Kumustahan na lang like I always do sa mga nakatrabaho ko.

Siguro nabawasan na rin kasi ‘di ko na siya ka-work, unlike before na lagi ko siyang nakikita ngayon. Ngayon, we’re really good friends,” sabi ng aktor.

( Photo credit to joseph marco official fanpage )