Carla iniwan si Geoff, ginugulo raw ang relasyon nina Bianca at Jc Intal

Sa grand presscon ng ‘So It’s You” nina Carla Abellana at Tom Rodriguez produced ng Regal Entertainment ay nilinaw ng aktres ang tsikang kaya siya nakipaghiwalay kay Geoff Eigenmann ay dahil gusto niyang bumalik sa dati niyang boyfriend na basketbolistang si JC Intal na kamakailan lang ay nag-propose na kay PBB All In host Bianca Gonzales.

Bago pa man ito sinagot ni Carla ay nagsabi na siyang hangga’t maaari ay ayaw niyang pag-usapan ang isyung ito dahil ayaw niyang magamit sa promo ng “So It’s You”.

“Honestly talaga po, ayoko na sanang pag-usapan pa siya kasi nakakahiya!Nakakahiya na nagagamit ’yung name niya for the movie. So as much as I want to just talk about the movie, hindi rin naman talaga maiwasan na may magtatanong about him but as much as possible I don’t wanna talk about him anymore.

“Pero no (nakikipagbalikan siya), no po talaga!Once and for all, tamang-tama nandito na rin naman po kayong lahat. Whatever we went through was between the two of us talaga and ’yung relationship namin, it did not involve anybody else, anybody from the past, anybody ngayon, at present, wala.

“It was just between the two of us, two personalities, two different attitudes, two different ways of making decisions, two different dreams and goals na unfortunately, hindi magtugma.

Magkaibang-magkaiba. So, ’yun. Sa aming dalawa lang ’yun at walang kinalaman ang ibang tao talaga,” diin ng aktres. At sa katunayan ay natutuwa si Carla para kina JC at Bianca, “I’m happy for the both of them, walang involvement naman whatsoever.”

Samantala, nahiwalay din sa boyfriend ang papel ni Carla sa “So It’s You” kaya ang tanong sa kanya ay sinadya ba ito?  At masayahin ang karakter ng aktres sa pelikula maski na may pinagdaraanan, ganito rin ba ang healing process ng dalaga?

“Actually, nasa process, each day is a step forward, each day is a chance to move on. Si Lira (papel ni Carla sa movie), hindi talaga, eh. Magulo ’yung isip at puso niya, hindi siya maka-decide.

“Si Carla, malinaw na malinaw kung ano ang nasa puso niya. Kaya nga siya nakapag-decide. Na kahit gaano kahirap, naging malinaw naman ang pag-iisip ni Carla pati ng puso niya. Ipinagdasal niyang maige na maging malinaw.

“So medyo malayo naman. Nasa process siya ng moving on which will take time pero hindi katulad ni Lira na talagang hirap siyag mag-decide saka mag-move-on,” paglilinaw ng aktres.

Anyway, mapapanood ang “So It’s You” sa Mayo 7 bukod kina Carla at Tom ay kasama rin sina JC de Vera, Kevin Santos, Joey Marquez, Arlene Muhlach, Bangs Garcia at Paolo Ballesteros mula sa direksyon ni Jun Lana.

Speaking of JC, hindi ito dumating sa presscon ng “So It’s You” dahil alas nuwebe na raw na-pack up sa taping ng The Legal Wife, ayon mismo sa isang taga-Star Cinema.

( Photo credit to carlaabellanafanpage )