Ad agency ng shampoo commercial ni Kris walang reklamo sa maikling buhok

May bagong pasabog na naman si Kris Aquino pagkatapos ng Holy Week at marami talaga ang nagulat sa bagong hairstyle ng TV host.

Sa episode ng Aquino & Abunda Tonight noong Lunes ay isa kami sa na-shock sa sobrang iksing buhok ng Queen of All Media.
At dito namin nalaman na marami palang nanonood sa late night show nina Kris at Boy Abunda dahil nag-trending worldwide ang bagong hairstyle ng TV host-actress.

Narito ang ilan sa mga nag-react: “@Emer Complido Honestly, Kris Aquino is so stunning with her new hair! I really love it! LOVEEE IT!

“@KaesSorry, but I really have to say this! I like kris aquino’s new hair cut! Hahahaha” “@DovenPitoyWanna go to barbershop and tell the barber “I want that kris aquino hair style!”

“@DianaRoseVillegasThinking if I should cut my hair again like Kris Aquino’s. Low maintenance but so chic. “@JanickaaAstig nung buhok ni kris aquino!!!! Bumata sya ng mga 15yrs.”

Hindi na namin nagawang tapusin ang iba dahil umabot na sa libu-libo ang post kaya naman tinanong namin ang handler ni Kris na si Alvin Cagui kung ano ang tawag sa bagong hairstyle ng TV host, “Ay hindi ko alam kasi sila-sila (Kris at Jing Monis, hairdresser) lang ang nag-style, sabi lang ganito-ganyan ang gusto ko.

Baka may ginayahan,” sagot sa amin. Pati nga ang King of Talk na si Boy Abunda ay nagulat din at tinanong kung may pinagdadaanan ba si Kris kaya siya nagbago ng buhok.

“Tapos na. Time for a change. Pag may pinagdadaanan ka, it’s appropriate. The shortest hair I’ve had since child birth. Oo, why not, ‘di ba? Kasi some men say that short hair is hot and sexy,” say ni Kris.

Pero may gustong sagot si kuya Boy kaya muli niyang sinabing, “Why can’t we not talk about it when people are watching you for the first time in your shortest (hair), sabi mo?”

Paiwas na sagot ni Kris, “I was not prepared to talk about that. I was only prepared to talk about my hair.”  Sinubukan naming i-text si Kris kung bakit nga ba siya nagpagupit na hindi lang niya mabanggit sa national television, pero hindi kami sinagot.

Ang handler ulit ni Kris na si Alvin ang tinanong namin kung hindi ba makakaapekto ito sa ineendorsong shampoo ng TV host, “Hindi naman, may buhok pa naman siya, di ba?” sabi sa amin.

Hindi ba magagalit ang ad agency na may hawak ng shampoo ad ni Kris dahil hindi ba’t nasa kontrata na bawal magpagupit, “Ay ewan ko, sina tito Boy ang may alam niyan,” sabi sa amin.

Kaya si kuya Boy na ang tinanong namin dahil siya ang manager ni Kris sa mga product endorsements ng mama ni Bimby, “Wala pa naman nagko-complain but I don’t think it’s gonna be a problem,” katwiran sa amin ni kuya Boy.

( Photo credit to abundaaquinotonight )