Sam pinaghahandaan na ang future nila ni Jessy?

NGAYONG araw ang alis ni Sam Milby kasama ang mga kapatid sa Cornerstone Talent Management na sina Richard Poon, Angeline Quinto, Yeng Constantino at Erik Santos para sa ASAP 20 Kapamilya Caravan sa Dubai.

Pagbalik naman niya sa bansa ay sasabak na agad siya sa Dyesebel pictorial sa Batangas at sa trade launch ng ABS-CBN sa Enero 30 sa One Esplanade sa Mall of Asia.

Pero bago lumipad si Sam ay inayos na muna niya ang planong pagbili ng condo sa Serendra kahapon. Walang sinabi ang road manager ng aktor na si Caress Caballero kung anong floor ang kinuha ng aktor at kung ilang square meters, “Hindi ko alam birthmate, pero ang sigurado ko, sobrang laki kasi may guest rooms siya para sa family niya kapag umuwi ng Pilipinas.”

Kasalukuyang pinag-iisipan daw ng aktor kung ibebenta niya ang bahay niya sa Pasig City o ibibigay sa kapatid niyang dito na sa Pilipinas naka-settle.

“Iniisip pa, kasi may bahay na naman ang ate niya, ang ganda kasi ng bahay niya, di ba?” say ng RM ng aktor. Hindi kaya paghahanda na ito sa paglagay sa tahimik ni Sam? He-hehehe!

Ano kayang masasabi rito ni Jessy Mendiola? Teka lang, kailan nga kaya ipakikilala ni Sam si Jessy sa kanyang mga magulang? O, naipakilala na niya, hindi niya pa lang naikukuwento?

Samantala, lumalaki na ang pamilya ng Cornerstone Talent Management ni Erickson Raymundo dahil apat ang talents niya na kasama sa Dyesebel, si Sam bilang Syokoy at isa sa leading man ni Anne Curtis, sina Maricar Reyes-Poon, Young JV at Markki Stroem na nag-aaral na ring lumangoy ngayon nang may buntot.

At kailan lang ay join na rin si Angeline Quinto sa Cornerstone bukod pa sa dalawang kilalang singers ang lumipat na rin pero hindi pa puwedeng i-reveal dahil may mga inaayos pa raw sa mga kontrata nila.

Kaya walang dahilan para hindi mag-smile ang President at Chief Executive Officer ng Cornerstone maski na nalugi siya sa “Kimmy Dora: Ang Kyemeng Prequel” dahil halos lahat ng talents niya ngayon ay moneymaker.

( Photo credit to Google )