Kris balak na sanang layasan ang showbiz kung…

Hayan, dahil sa pagiging pasaway daw ni Kris Aquino kaya hinigpitan ng ABS-CBN ang bagong kontratang pinirmahan niya sa network.

Inamin ni Kris sa interbyu niya sa ABS-CBN news, “It’s much stricter now. Kapag pasaway ka, maraming bawas kaya kailangan behaved.”

Nasulat din namin dito sa BANDERA noong isang araw na makakasama na ang Queen of All Media sa mga ng TFC kasama ang ibang artista na kinumpirma naman ni Kris, “I am happy kasi kasama ako sa Kapamilya Caravan, so kasama ako sa pagpunta sa Dubai (Enero 24) ng ASAP. So next week, see you all there.”

At dahil gusto naming makatsikahan din si Kris ay nagpaalam kami kung puwedeng pumunta sa contract signing niya, pero kaagad kaming tinext ng, “Lunch lang with the big bosses Reggs, no presscon.”

Sina ABS-CBN Chairman Gabby Lopez III at President  Charo Santos-Concio ang humarap sa pirmahan ng kontrata.Nasulat din namin na tatlong programa ang nakapaloob sa dalawang taong kontrata ni Kris sa Dos, pero aniya, “Not just talk but magazine, reality, probably cooking, and a game show.”

Nagpahiwatig din ang TV host sa balik-tambalan nila ni Boy Abunda sa isang magazine show, “Sinabi nila na huwag kong pag-usapan but it’s really happening this February but it’s not once a week para wala silang isipin na may mapapalitan o matatanggal.

It is something that came about because the time is right,” say ni Kris. So, hindi na mawawala ang Buzz Ng Bayan?
Samantala, inamin ni Kris na kung sakaling hindi ibinigay ng ABS-CBN ang kahilingan niya sa bagong kontrata niya ay posibleng magtayo na lang siya ng sarili niyang production company at maski na malaki ang offer ng TV5 ay imposibleng lumipat siya dahil wala siyang work force o think tank.

Say nga ng Queen of All Media, “Who would want to leave if you are with the number one? Kung tatanungin mo ako eh malaking factor ang advice ng family ko and my sisters.

Siyempre kasi nu’ng nag-uusap-usap kami, ang iniisip kong option and finally now puwede nang pag-usapan. “Kung hindi man sa ABS-CBN, I would have gone in a different direction and not entertainment.

So para once and for all maklaro ‘yon, ‘yung ibang options na napag-usapan, hindi related sa field of television ‘yun. “Ang posible sanang mga tatahaking landas and ang sinabi ko ‘yung totoo, sinabi ko na kung hindi kami nagkasarahan dito, ‘yung kinita sa ‘My Little Bossings’ ay gagastusin ko sana to set up my own production company and be a blocktimer on TV.

At dahil nanatiling Kapamilya pa rin si Kris ay abut-abot ang pasalamat ng buong staff ng Kris TV  dahil, “May trabaho pa rin kami, kaya thank you Ms. Kris for staying, we are still alive!”

Oo nga, ayaw naman ni Kris na may mawawalan ng trabaho, sabi ng ng kausap namin, “Si Kris kaya na niyang ipagtanggol ang sarili niya dahil anytime puwede siyang magpa-interview, kaso gusto niyang maramdaman na Kapamilya nga ang turing sa kanya ng ilang tao sa ABS-CBN.”

( Photo credit to INS )