Karylle magpakasal na kay Yael Yuzon sa 2014; Zsa Zsa payag agad

KUMPIRMADONG sa 2014 na ang kasal ni Karylle sa long time boyfriend nitong si Yael Yuzon. Ayon sa ating source, nag-propose na si Yael kay Karylle dalawang buwan na ang nakararaan at ayaw sana nila itong malaman muna ng media, pero may naglabas kaya mapipilitan na ring magpa-interview ang dalawa.

“Matagal nang nag-propose si Yael kay Karylle at sa tingin ko, it’s about time na rin kasi matatanda na sila, they’re both successful in their field so, anong problema?

Wala namang sabit pareho, walang anak si Yael sa pagka-binata, ano pa hinihintay nila?” kuwento ng aming espiya.
Binanggit namin na tila hindi boto ang daddy ni Karylle na si Dr. Modesto Tatlonghari kay Yael dahil hindi yata malambing ang binata sa kanya, “E, walang magagawa si doktor kasi anak naman niya ang makikisama.

And I believe na alam ni Zsa Zsa (Padilla) at mga kapatid ni Karylle kasi botong-boto sila. “Hindi ko masisi ang daddy ni Karylle kasi technically, siya ang nagpalaki kay K at higit sa lahat, sa kanya pa rin umuuwi si Karylle at magkasama sila sa bahay.

“Kung ako rin, anybody na magustuhan ni Karylle ay hindi talaga boto si Dr. Tatlonghari, but we have to face the fact that K is not getting any younger, she’s over 30 (32).

‘Yun nga lang, mas matanda si K kay Yael ng five years and it doesn’t matter naman nowadays di ba?” sabi ng source.
As of now ay walang pang detalye kung saan at anong petsa ang kasal dahil hindi pa raw final ang usapan, ang sigurado lang ay sa 2014 ang wedding.

( Photo credit to Google )