AI AI isinugod sa ospital, inatake ng grabeng hika
Na-pack-up ang huling taping ng Toda Max noong Martes dahil isinugod sa hospital si Ms. Ai Ai delas Alas kinagabihan dahil inatake ng asthma.
Ayon sa personal assistant niyang si Andy, sobrang napagod si Ai Ai at hirap nang huminga kaya kinailangan nang itakbo sa ospital.
Hindi naman itinuloy ni direk Malu Sevilla ang last taping day dahil nga wala si Ms. A, dapat daw ay kumpleto ang buong cast para sa pamamaalam ng Toda Max.
“Sa Tuesday (Nov. 12) na lang po ang taping,” sabi ni direk Malu sa amin. Samantala, halagang pamilya at pagpapatawad ang ituturo sa TV viewers nina Ai Ai, Izzy Canillo at Cherry Pie Picache ngayong Sabado sa pagtatapos ng Wansapanataym.
Matapos matagpuan ang Yaganaki treasure, mapipilitan si Joanna (Ai Ai) na ibigay ang lahat ng kayamanan sa karibal na si Lavender (Cherry Pie) upang mapalaya ang kaluluwa ng kanyang ina.
Ano ang gagawin nina Joanna at Kwatzy (Izzy) para mapigilan ang kasakiman ni Lavender? Sa huli, handa ba si Joanna na burahin sa kanyang puso ang galit kay Lavender lalo na sa oras na kailanganin siya nito?
Tampok rin sa Wansapanataym Presents Moomoo Knows Best sina Carla Martinez, Marco Gumabao, Michelle Vito, Jojit Lorenzo, Lui Villaruz at Tony Manalo. Ito ay sa direksyon ni Erick Salud. Sa Sabado na ‘yan after TV Patrol Weekend.
( Photo credit to Google )
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.