Sey mo Alden…anak nina Vic at Coney planong ligawan si Maine?
ALDEN RICHARDS, VICO SOTTO AT MAINE MENDOZA
NAGMISTULANG Metro Manila Film Festival ang first day of showing ng “Imagine You And Me” nina Maine Mendoza at Alden Richards matapos itong kumita ng P24 million last Wednesday, at wala raw itong padding, ha!
Tinanong namin ang isang taga-APT Entertainment tungkol dito, aniya, “Actually more than P24 million ang alam ko, hindi ko lang alam exact figures.”
Samantala, as early as today ay inihahanda na rin daw ang next project nina Alden at Maine na balitang pang-Valentine’s Day. Dapat daw ay pang-MMFF ito pero hindi na aabot dahil sa schedule ng dalawa.
Speaking of Maine, trulili kaya ang tsismis na may something daw sa dalaga ang anak nina Vic Sotto at Coney Reyes na si Vico na nanalong konsehal sa Pasig City.
Naitsika lang sa amin na kapag nasa barangay daw na nasasakupan ni Vico ang location ng Eat Bulaga ay sobrang aligaga ang binata sa pag-aasikaso kay Maine kaya kilig na kilig naman daw ang dalaga.
Bigla tuloy naming naalala si Maine sa presscon ng “Imagine You And Me”, nu’ng tanungin kasi siya kung may boyfriend na ay hindi siya nakasagot nang diretso. Hindi kaya may konek nga rito ang anak ni Bossing Vic?
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.