Elmo, Janella 3 weeks tumira sa Japan; nagkasundo dahil sa hayop at pagkain

TUNGKOL sa destiny ang kuwento ng seryeng Born For You ng ABS-CBN, kaya natanong ang dalawang bidang sina Elmo Magalona at Janella Salvador (ElNella) kung ano ang mas gusto nila: ang taong mahal sila o sila ang nagmamahal, the one you love or the one who loves you?

Sagot ni Elmo, “Para sa akin, I choose the one I love kasi siya ‘yung naka-red-string sa akin. So if you live without love, it is meaningless, sa mga nakikita mong bagay everyday, you have to see it with love because do’n mo makikita ‘yung point ng life, that’s what they tell me.”

Para kay Janella, “If I were to choose, never settle, you have to be both talaga, if you love someone, you have to choose someone who loves you too.”

Dagdag pa ng dalaga, “My mom is very practical kasi, so she’ll always tells me, ‘you have to be smart when it comes to love. You also have the gift of discernment kasi the world is different now, so you have to be able to tell kung love na ba talaga o hindi.’”

Samantala, tatlong linggong nag-shoot ang ElNella sa Japan para sa serye nilang BFY at inamin ng dalawa na marami silang nadiskubre sa isa’t isa. Kuwento ni Janella, “Marami kaming bagay na napagkasunduan like food, animals and pareho kaming mabilis makatulog. I don’t expect na magiging close kami ng ganito kaagad parang after Japan, sobrang naging close na kami.”

Gaganap si Janella sa BFY bilang si Sam Kazuko, isang aspiring Pinay singer na lumaki sa Japan at dahil sa kanyang pagiging hopeless romantic ay naniniwala siya sa konsepto ng red string of fate na nagsasabing isang invisible string ang nagkokonekta sa dalawang taong itinadhana.

At si Elmo naman ay si Kevin Sebastian, isang sikat na singer at anak ng OPM icon na nagpasikat ng kantang “Born For You” na si Mike Sebastian (Ariel Rivera). Bagama’t nasa rurok ng kasikatan, may hinaing si Kevin tungkol sa love at destiny dahil sa kumplikadong relasyon ng kanyang mga magulang.

Mapapanood na ang Born For You sa Hunyo 20, at makakasama rin sa cast sina Gina Pareño, Freddie Webb, Jimboy Martin, Joj Agpangan, Francis Magundayao, Smokey Manaloto, Ogie Diaz, Katya Santos, DJ Durano, Alfred Labatos, Kyline Alcantara, Paulo O’hara, Neil Coleta, Young JV, Ayen Laurel, Bernard Palanca at Vina Morales mula sa direksyon ni Onat Diaz handog ng Dreamscape Entertainment.