Bela na-damage ang mata habang nasa taping ng ‘Ang Probinsyano’

BELA PADILLA

MAY sakit pala si Bela Padilla kaya blessing in disguise na rin na pinatay na ang karakter niya bilang Carmen sa aksyon-seryeng FPJ’s Ang Probinsyano.

Ayon sa aktres sa panayam niya sa ABS-CBN, nagkaroon siya ng acute anterior uveitis, na ang ibig sabihin ay, “this may occur in one or both eyes and in adults is characterized by eye pain, blurred vision, sensitivity to light, a small pupil, and redness. Intermediate uveitis causes blurred vision and floaters. Usually it is not associated with pain. Posterior uveitis can produce vision loss.”

Inamin din ni Bela na na-damage ang kaliwang iris niya habang nagte-taping ng Ang Probinsyano at ilang araw din siyang hindi nakapag-shoot dahil kailangan niyang magpagamot.

Pero kinlaro ng aktres na hindi ito ang dahilan kaya siya tinanggal sa serye, “That’s totally not related to why I left the show.”

Sinabi ni Bela na alam na raw niya noon pa na walong linggo lang siya sa Ang Probinsyano bilang si Carmen na nanay ni Junior, na anak niya kay Ador (kakambal ni Cardo) na ginagampanan ni Coco Martin at naging asawa ni Arjo Atayde (Joaquin).

“Matagal ko nang alam that I was going to leave the show. But just the same, it’s very sad kasi siyempre napamahal na ako sa mga taong nakatrabaho ko at sa character ko,” say ni Bela.

At tama nga ang sabi sa amin na na-extend na ang exposure ng aktres dahil noong Setyembre pa nagsimula ang serye at ikapitong buwan na nito ngayong Abril. Sa madaling salita, pinahaba pa ang role ni Bela ng limang buwan.

Kaya noong Miyerkules ay tuluyan nang namaalam si Bela sa serye na pinanood daw talaga ng aktres.

“Nakakalungkot na makita iyong death niya from my point of view. Siyempre, I fell in love with my character and the people she was relating to in the show. So naging emotional lang ako dahil ngayon lang nagsi-sink in sa akin na hindi na ako magta-taping,” sabi ng aktres.

Sa tanong kung sino ang mami-miss niya sa set ng FAP, “I think everything the people, definitely. The crew, the production, the cast, each and everyone. I learned something from each and everyone. I’m going to miss seeing their faces every single day.”

Anyway, may nakatsikahan kaming taga-ibang network, pinapanood din pala nila ang serye ni Coco at aminado silang takot din silang tapatan ito. Kamakailan lang ay nakakuha na naman ng 46.7% rating ang nasabing serye.