James kay Nadine: Hindi ko po talaga siya gusto noon, pero na-in love ako!
JAMES REID AT NADINE LUSTRE
KAHIT na busy sa taping ng Kris TV ang Queen of All Media na si Kris Aquino ay inabangan pala talaga niya ang “Final Flight” ng On The Wings Of Love nina James Reid at Nadine Lustre.
Kung matatandaan ay humingi ng dispensa si Kris sa OTWOListas at fans ng JaDine loveteam dahil hindi na raw niya gaanong nasusubaybayan ang kuwento nina Clark at Leah dahil kailangan niyang sabayang matulog (9:30 p.m.) ang mga anak na sina Josh at Bimby nu’ng mga panahong pinayuhan siyang magpahinga ng doktor dahil sa pagtaas ng kanyang blood pressure.
Nabanggit ni Kris na napapanood niya ang mga seryeng FPJ’s Ang Probinsiyano at ang natapos na ring Pangako Sa ‘Yo. At dahil talagang talk of the town at laging trending sa social media ang On The Wings Of Love ay sinubaybayan na rin niya ang mga huling araw nito at aminadong certified OTWOLista na rin siya dahil gustung-gusto rin niya sina James at Nadine.
Sa katunayan, nag-post pa ng mensahe ang TV host sa kanyang Instagram tungkol sa ending ng nasabing serye, “I caught the KISS! Silipin n’yo- wipe out- I cooked for my hungry #OTWOLISTAS.
Alam n’yo little sincere gestures matter a lot, @nadzlustre finds time to make me kamusta sa text & I was so touched when I was lying low, sa ka busy-han n’ya, she said may birthday gift s’ya for me & wanted to visit.
“Plus she shared w/ me before their big reveal na ‘super happy’ sya. Congrats @dreamscapeph! #IStillBelieveInHappilyEverAfter.”
Nu’ng Linggo ng gabi, ipinalabas sa ABS-CBN ang tell-all interview kina James at Nadine at dito nga inamin ng binata na never niyang na-imagine na magiging girlfriend ang kanyang ka-loveteam.
Nang tanungin tungkol sa pagsisimula ng pag-iibigan nila ni Nadine, sabi ni James, “I never liked her before, and I never imagined us getting together ever in the future…So, I think it was different. She became my friend first before we fell in love.
“I know people, when they enter a relationship, they feel that comfortable stage that you are comfortable with each other. It feels like that spark is not as strong anymore and the flame isn’t that strong.
“But we are already comfortable with each other and I can already see her every day and not get tired of her. Because she is still my best friend and she still acts like my buddy,” paliwanag ng aktor.
Ngayong sila na, naniniwala na ba sila kung may “forever” pagdating sa pag-ibig? Sagot ni Nadine, “With everything that is going on, nandu’n pa ako sa taas, e. Like di pa bumababa. Parang feeling ko nasa cloud nine pa.”
Pero sabi naman ni James, “I see her in my life for a long time.”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.