Ogie dumepensa sa ‘KASO’ ng ama sa BIR: Naayos na yun!

Kinlaro ni Ogie Alcasid ang tungkol sa kaso ng daddy niya sa BIR. Ang kumpanyang kunektado ang kanyang ama raw ang may problema pero naayos na rin ito.

Kuwento kasi ng aming source ay hindi kumpleto ang isinumiteng dokumento ng daddy ni Ogie sa BIR kaya nagkaroon ng problema.

Paliwanag ni Ogie, “My father? Ah no, ‘yung company nila, I think naayos na nila ‘yun. Hindi siya (ang may kaso), mahirap lang ang tatay ko. Ha-hahaha! Mahirap lang kami.”

Alam ng lahat na ang pamilya nina Ogie ang may-ari ng Rural Bank sa Batangas, “Yeah, but my father is almost retired so he doesn’t pay many taxes, it’s the company he works for,” diin pa ni Ogie,

Baka nga nagamit lang ang pangalan ng ama ni Ogie dahil nga kilala siya, “Siguro, pero okay na ‘yun,” sabi ng TV host-actor.

Samantala, pagkatapos ng question and answer sa presscon ng Happy Truck Happinas ng TV5 ay inamin ni Ogie na si Sen. Grace Poe ang susuportahan niya sa presidential elections.

“Sayang, hindi ko nga napanood ‘yung debate nila kasi nasa Australia ako, pero from what I saw, I think she did very well, so ‘yung susunod is with TV5 ay I’m excited to go to Cebu, I wanna be there to give moral support to Grace,” pahayag pa ni Ogie.