Mariel tuloy na ang pagbabalik sa ABS-CBN

Nakatutuwa na pawang positibo ang narinig naming komento sa guesting ni Mariel Rodriguez-Padilla sa Tonight With Boy Abunda. Ayon sa isang nakausap namin, “Happy to see Mariel again in ABS-CBN, bumalik na siya, mas bagay siya sa ABS.”

Oo nga, maging si Mariel ay umaming, “I felt home. It felt like home,” nu’ng umapir siya sa PBB 737 hanggang makasama siya sa finale ng nasabing reality show na ginanap sa Naga City.

Nu’ng natanggap nga raw ni Mariel ang imbitasyon na maging parte siya ng PBB 737, “When I got the text that they wanted me to be part of their Big Night, I couldn’t believe it at first.

Sabi ko, ‘Is this for real?’ When I got it, I was in Europe. Tapos I felt so honored.” Inamin din ni Mariel na sobra niyang na-miss si Toni Gonzaga, “It was my friendship with Toni, ‘yun ang pinaka-na-miss ko.

It felt so good kasi iba na kami ngayon, may asawa na kaming dalawa. Iba na ang perspective namin sa life, ‘yung views namin sa buhay. Iba na, mas mature na kami. It felt so good.

I missed my friend Toni.” Samantala, isa sa mga araw na ito ay mapapanood na si Mariel sa ABS-CBN dahil aniya, nakipag-meeting na siya sa mga executives ng Dos. Kaya welcome back, Mariel!