KathNiel fans marunong rumespeto sa ibang loveteam
KATHRYN BERNARDO AT DANIEL PADILLA
MAGANDANG halimbawa ang KathNiel fans na nakaka-chat namin mula sa iba’t ibang panig ng mundo na sabi nila, maski na sino pa ang lumitaw na bagong loveteam o mahigitan ang kasikatan nina Daniel Padilla at Kathryn Bernardo ay hindi nila aawayin o iba-bash dahil katwiran nila, “Ganu’n po talaga ang ikot sa showbiz, parating may bago, kaya handa po kaming KathNiel supporters na suportahan sila maski saan makarating at sa lahat din po ng projects nila.
“Bakit kami mang-aaway ng ibang loveteam, e, narating na rin naman nina DJ at Kath ang dapat nilang marating, kung baga po, give chance to others,” sabi pa ng nakausap naming KathNiel fan.
Kaya nakatutuwa rin talaga ang mga tagasuporta ng KathNiel dahil hindi sila insecure sa pagpasok ng JaDine (James Reid at Nadine Lustre) at LizQuen (Liza Soberano at Enrique Gil) dahil naniniwala silang established na sina Kathryn at Daniel.
Kaya sa supporters ng kalyeserye loveteam, sana gayahin din ninyo ang ibang fans club na maging behave at hindi nang-aaway, wala rin naman kasi kayong mapapala sa pagiging nega.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.