GMA
Pinayagan ng Sandiganbayan First Division na makadalaw si dating Pangulo at ngayon at Pampanga Rep. Gloria Arroyo na madalaw ang kanyang kapatid na mayroong malubhang sakit.
Si Arroyo ay pinayagang makalabas ng kanyang kuwarto alas-3 ng hapon hanggang 8 ng gabi. Siya ay pupunta sa Makati Medical Center kung saan naka-confine ang kapatid niya na si Arturo Macapagal na mayroong stage four prostate cancer.
“Accused Macapagal-Arroyo shall be transported from her confinement at the VMMC not earlier than one hour before the appointed time on August 11, 2015, to the Makati Medical Center, particularly to the area where her brother Arturo dela Rosa Macapagal, is confined and to no other place, where she will be allowed to stay until 8 pm of the same day, and thereafter to be brought back immediately to the VMMC,” saad ng dalawang pahinang resolusyon.
Ang dating pangulo ay naka-hospital arrest sa Veterans Memorial Medical Center sa Quezon City. Siya ay nahaharap sa kasong plunder kaugnay ng iregularidad umano paggamit ng P366 milyong intelligence and confidential fund ng Philippine Charity Sweepstakes Office.
Si Arturo, 72, ay naka-confine sa intensive care unit ng pagamutan mula pa noong Hulyo 2. Patuloy umano ang paglala ng kalagayan nito.
“Mr. Macapagal, who is already 72 years old, may not have long to live. His cancer has spread to his brain, bones and lungs. While the family continues to pray for a miracle, the doctors are of the opinion that Mr. Macapagal’s condition may further decline in the coming days,” saad ng dalawang pahinang mosyon ni Arroyo.
MOST READ
LATEST STORIES