PNoy ibibigay na ang kanyang basbas kay Roxas sa Biyernes

IHAHAYAG na ni Pangulong Aquino na si Interior Secretary Mar Roxas ang magiging standard bearer ng Liberal Party (LP) para sa 2016 presidential polls.
Kinumpirma ni Liberal Party (LP) secretary general at Western Samar Rep. Mel Senen Sarmiento ang pinakahihintay na pagbibibigay ng basbas ganap na alas-9 ng umaga bukas sa Club Filipino sa Greenhills, San Juan.

Natapat naman ito mismo sa kaarawan ng nanay ni Roxas na si Judy Araneta Roxas.
“It’s going to be a simple affair, but everyone will be there, not only government officials,” sabi ni Caloocan Rep. Edgar Erice, LP’s political affairs chair.