DESIDIDO ang Team Manila-South Philippines na muling magkampeon sa pagsabak nito sa 2015 Big League Softball World Series sa Sussex County, Delaware sa Agosto 2-9.
Huling nagkampeon ang bansa noong 2012 matapos na tanghaling runner-up noong 2008, 2010 at 2011. “Our team is composed of veterans and rookies that are capable of making it back to the championships,” sabi ni coach Ana Santiago kahapon sa lingguhang Philippine Sportswriters Association (PSA) Forum sa Shakey’s Malate.
“We are hoping to make it back to the championships because we have a very good pitcher right now in the team.’’ Ang koponan ay binubuo ng mga manlalaro mula Adamson University, National University, University of the East at University of Santo Tomas.
Makakasagupa ng Pilipinas, ang representante ng Asia-Pacific, ang siyam na iba pang koponan sa torneyo.