Pagsabog naitala sa Pililla, Rizal

Niyanig ng malakas na pagsabog ang Pililla, Rizal kamakalawa ng gabi na sinundan ng pagkasunog ng isang pagawaan ng sasakyan na mayroon umanong mga nakaimbak na bala.
Nagdulot ng brownout sa Sitio Combo, Brgy. Hulo ang pagsabog sa LGS Motor Factory alas-7:20 ng gabi.
Naapula ang sunog ala-10 ng gabi. Wala namang napaulat na nasugatan sa insidente.
Inaalam pa ng arson probers ang sanhi ng sunog at pagsabog.
Nasira ang katabing gasolinahan ng warehouse na sasailalim muna sa inspeksyon bago muling buksan.