Nanalo ng P16M sa lotto dahil sa bday ng syota

Isang social worker mula sa Quezon City ang nag-uwi ng P16 milyong jackpot prize ng Super Lotto 6/49 na binola noong Hulyo 12.
Ayon sa Philippine Charity Sweepstakes Office nakuha ng nanalo, 27, ang mga numerong 5-11-21-24-32-42 sa kaarawan ng babae na kanyang pakakasalan.
May limang taon na umano siyang tumataya sa lotto. Nagkakahalaga ng P20 ang kanyang taya ng manalo.
Plano niyang magbigay ng donasyon sa simbahan, bahagian ang kanyang mga magulang at kamag-anak at magtabi para sa hinaharap.
Kinuha niya ang kanyang premyo kay PCSO general manager Jose Ferdinand Rojas II.