Cedric Lee kinasuhan ng graft

Kinasuhan sa Sandiganbayan ang kontrobersyal na si Cedric Lee kaugnay ng maanomalya umanong pagbabayad sa kanya sa palengke na hindi naitayo.
Bukod kay Lee, sinampahan ng kasong paglabag sa Anti-Graft and Corrupt Practices Act ng Office of the Ombudsman, si Angel Peliglorio na dating mayor ng Mariveles Bataan.
Ayon sa reklamo, pumasok umano sa kasunduan ang lokal na pamahalaan ng Mariveles at Izumo Contractors Inc., para sa pagpapatayo ng palengke noong Maros 27, 2005.
Nagkakahalaga ng P14 milyon ang proyekto ng Izumo na pagmamay-ari ni Lee.
Pinayagan umano ni Peliglorio ang pagbibigay ng advance payment sa kompanya ni Lee na paglabag sa rules ng Commission on Audit. At hindi umano natuloy ang pagtatayo ng palengke.
Inirekomenda ng Ombudsman ang P30,000 piyansa sa bawat akusado.
Pahaharapin namang testigo ng prosekusyon si Mayor Jesse Concepcion at ang branch manager ng Land Bank na si Marcelina de Lara.
Si Lee ay dawit sa pambubugbog sa aktor at TV host na si Bong Navarro sa Ritz Condominium sa Makati City noong Enero 2014.