Mga Laro Ngayon
(Araneta Coliseum)
4:15 p.m. Meralco vs Alaska Milk
7 p.m. Talk ‘N Text vs San Miguel Beer
Team Standings: Barako Bull (6-1); San Miguel Beer (6-2); Alaska (5-2); Meralco (4-3); Globalport (4-4); KIA
(3-3); Star (3-4); Rain or Shine (3-4); Talk ‘N Text (3-4); Ginebra (3-5); NLEX (2-5); Blackwater (1-6)
SISIKAPIN ng San Miguel Beer na ipagpatuloy ang pagsagitsit sa pagtudla ng ikapitong sunod na panalo kontra sumasadsad namang Talk ‘N Text sa 2015 PBA Governors’ Cup mamayang alas-7 ng gabi sa Smart Araneta Coliseum sa Quezon City.
Sa unang laro sa ganap na alas-4:15 ng hapon, magkikita ang Alaska Milk at Meralco na kapwa naghahangad na pagandahin ang tsansang makakuha ng twice-to-beat advantage sa katapusan ng elims.
Matapos matalo sa kanilang unang dalawang laro, ang Beermen ay bumangon at pinabagsak ang sumunod na anim nilang kalaban. Kung mananalo sila mamaya ay malamang na makakuha na sila ng twice-to-beat advantage sa quarterfinals na nakataya sa top four teams sa katapusan ng elims.
Ang Talk ‘N Text ay nagtala ng 3-1 karta sa umpisa ng torneo subalit biglang nanamlay at nakalasap ng tatlong sunod na kabiguan buhat sa Globalport (123-120), Meralco (119-85) at Rain or Shine (88-73).
Dahil sa natambakan sila sa huling dalawang laro ay malamang na magsagawa ng mga pagbabago sa kanilang patterns si TNT coach Joseph Uichico.