Jackpot sa 6/55 Grand Lotto sa Sabado aabot sa P200M
Posibleng umabot sa P200 milyon ang jackpot prize ng Grand Lotto 6/55 sa bola nito sa Sabado.
Ito ay matapos na hindi tamaan ang P191.3 milyong jackpot prize ng Grand Lotto sa bola noong Miyerkules ng gabi.
Lumabas sa huling bola ang mga numerong 9-51-26-19-31-39. Umabot sa P45.4 milyon ang jackpot prize sa naturang bola.
Nanalo naman ng tig-P200,000 ang 10 mananaya na nakakuha ng limang numero.
Tig-P1,420 naman ang 1,278 mananaya na nakakuha ng apat na numero at balik-taya (P20) ang 28,219.
Ang Grand Lotto ay binobola tuwing Lunes, Miyerkules at Sabado. Nagkakahalaga ng P20 ang taya sa bawat anim na numerong kumbinasyon.
Lumaki na ang jackpot prize dahil huli itong tinamaan noong Marso 4. Sa bawat P1 itinataya sa lotto, 55 sentimos ang napupunta sa Prize Fund, 30 sentimos sa Charity Fund at ang nalalabi sa gastusin sa operasyon nito.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.