Mga Laro sa Lunes
(JCSGO Gym, Cubao, Quezon City)
1 p.m. MP Hotel vs Hapee
3 p.m. Cagayan vs Cebuana Lhuillier
Team Standings: *Cebuana Lhuillier (7-1); *Café France (7-2); xCagayan Valley (5-3); xHapee (5-3); Kera Mix (4-4); Jumbo Plastic (4-4); AMA University (4-5); Tanduay Light (3-5); MP Hotel (1-6); Liver Marin (1-8)
* – semifinals
x – quarterfinals
MAGARANG pagtatapos ang ginawa ng AMA University nang daigin nila ang MP Hotel Warriors, 99-87, upang magkaroon pa ng hininga kung ang paghahabol ng puwesto sa quarterfinals sa 2015 PBA D-League Foundation Cup ang pag-uusapan.
Puno ng enerhiya na naglaro ang Titans para tapusin ang kampanya sa elimination kahapon sa JCSGO Gym sa Cubao, Quezon City bitbit ang 4-5 baraha.
Sina James Martinez at Jeremy King ay nagtala ng 28 at 20 puntos habang double-double ang ginawa nina Dexter Maiquez (16-10) at JayR Taganas (10-12), para sa makinang na paglalaro ng koponang napahinga ng dalawang linggo.
“There is nothing we can do now but to wait. Anything can still happen and hopefully, our prayers will be answered,” wika ni AMA coach Mark Herrera.
Ginulpi rin ng Jumbo Plastic ang baguhang Liver Marin, 87-66, para lumapit sa isang laro upang pormal na umabante sa playoffs.
Ang mga off-the-bench players na sina Philip Paniamogan at Denise Villamor ay mayroong 23 at 16 puntos para sa Giants na umarangkada sa ikatlong yugto para itabla ang karta sa 4-4.