NADINE LUSTRE AT JAMES REID
How true kaya na this early mga ka-BANDERA ay mayroon ng “organized groups” ang ilang fan clubs na itinatapat sa KathNiel para lang magsilbing “watchdogs” or “critics” sa inaabangan na ngang Pangako Sa ‘Yo nina Kathryn Bernardo at Daniel Padilla.
Ayaw naming pangalanan o lagyan ng tag ang sinasabing mga grupo, though obvious namang ang JaDine (James Reid at Nadine Lustre) ang ilan sa mga ito na diumano’y may mga kiyaw-kiyaw pa rin sa kasikatan ng KathNiel.
May mga nag-aakusa namang fans diumano nina Enrique Gil at Liza Soberano na hindi daw matanggap na tinapos agad ang Forevermore para maipasok na ang serye ng KathNiel.
Whatever may the reason be, iisa lang ang nakikita namin dito…super sikat at labis ngang kinaiinggitan sina Kathryn at DJ na itinuturing ngayong pinakasikat na celebrity couple sa showbiz.
Basta kami, excited na sa pagganap nila bilang bagong Angelo at Yna sa PSY sa direksiyon nina Rory Quintos, Olivia Lamasan at Dado Lomibao na magsisimula nang umere sa Primetime Bida ng ABS-CBN sa darating na Lunes, May 25.