Aiza Seguerra nagpaanak sa loob ng sasakyan
NGAYONG Lunes sa Alisto, panoorin ang maaksiyong tagpo na kinabibilangan ni Aiza Seguerra! Galing sa Baguio ang singer-actress nang parahin ang sasakyan niya ng ilang lalaki. Isang buntis daw ang sumasakit ang tiyan at manganganak na.
Nagmagandang-loob si Aiza na pasakayin ang buntis para dalhin sana sa ospital. Pero laking gulat niya nang makitang nakaumang na ang ulo ng bata at lalabas na anumang oras.
Agad tinawagan ni Aiza ang kanyang doktor para alamin ang tamang gagawin. Sa huli, tulung-tulong sila ng mga kasama niya sa sasakyan na paanakin ang ginang.
Samahan si Aiza na balikan ang makapigil-hiningang pangyayaring ito at alamin ang dapat gawin sakaling maharap sa parehong sitwasyon.
Manood ng Alisto! hatid ni Arnold Clavio ngayong gabi, May 18, 4:35 p.m. sa GMA.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.