“Hindi ko kayang hindi kita mahalin.”
Ito ang emosyal na pag-amin ng karakter ng Kapamilya actress na si Julia Montes sa kanyang tunay na nararamdaman para sa Teleserye King na si Coco Martin, na gumaganap sa Wansapanataym Presents Yamishita’s Treasures bilang si Yami.
Sa pagpapatuloy ng Wansapanataym special nina Coco at Julia ngayong Linggo , hindi na mapipigilan ni Tanya (Julia) ang pagmamahal niya para kay Yami sa gitna ng kanilang pakikipaglaban sa mga masasamang diwata.
Ngayong nailigtas na nila si Newton (Alonzo Muhlach), ano nga ba ang gagawin nina Yami at Tanya para tuluyan nang matigil ang masasamang balak ni Lisandro (Noni Buencamino)? Maipaglalaban din kaya nila ang kanilang pagmamahalan sa kabila ng pagkakaroon nila ng magkaibang mundo?
Kasama pa rin nina Coco at Julia sa Wansapanataym Presents Yamishita’s Treasures sina Eddie Garcia, Bing Loyzaga, Arron Villaflor, Ryan Bang, Marlan Flores at Angel Aquino.
Ito ay sa panulat nina Noreen Capili at Joel Mercado, sa direksyon ni Avel Sunpongco. Huwag palampasin ang pagpapatuloy ng adventure nina Coco at Julia sa Wansapanataym Presents Yamishita’s Treasures ngayong Linggo, 6:45 p.m. pagkatapos ng Goin’ Bulilit sa ABS-CBN.