Jackpot sa Grand Lotto 6/55 aabot na sa P118M

Inaasahang aabot sa P118 milyon ang jackpot prize ng Grand Lotto 6/55 sa Miyerkules.
Ito ay matapos na hindi tamaan ang P111.9 milyong jackpot prize sa bola noong Lunes ng gabi kung saan lumabas ang mga numerong 6-2-26-48-35-27.
Nagkakahalaga ng 31.5 milyon ang halaga ng itinaya sa naturang bola.
Nanalo naman ng tig-P200,000 ang pitong mananaya na nakakuha ng lima sa anim na numerong lumabas.
Tig-P1,440 naman ang 21,494 mananaya na naka-apat na numero. Balik-taya (P20) naman ang 21,494 mananaya na nakatatlong numero.
Ang Grand Lotto ay binobola tuwing Lunes, Miyerkules at Sabado.