Lito Lapid
“Graduate (na ako), si Mark na lang ang suportahan nyo,” sabi ni Lapid.
Nakatakdang magtapos ang termino ni Lapid sa susunod na taon.
Ang batang Lapid ay siyang chief operating officer (CEO) ng Tourism Infrastructure and Enterprise Zone Authority (TIEZA). Nagsilbi rin siyang gubernador ng Pampanga mula 2004 hanggang 2007.
Idinagdag ni Lapid na miyembro ang kanyang anak ng Lakas Party, bagamat maaaring tumakbo bilang independent candidate.
“Oo, tatakbo sya kahit independent yun. At least qualified naman sya. Talagang nag-aral e,” dagdag ni Lapid.
Tatakbo naman si Lapid ng mayor ng Angeles City.
“Hindi naman ako bagay dito e,’” dagdag ni Lapid nang tanungin kung nalulungkot siya sa kanyang pag-alis saSenado.
Ngunit nang tanungin kung anong aral ang nakuha niya matapos ang pagsisilbi ng 12 taon bilang senador, sinabi niya na, “Joke lang, tsamba tsamba lang po.
Nang magseryoso, sinabi ni Lapid na naging masaya siya ngunit laging nininerbiyos sa Senado.
“Syempre alam nyo na kapos ako sa pinag aralan e. Yung mga tanong, hindi ko masagot e di ba?” aniya.
Sa kabila nito, sinabi naman ni Lapid na hindi nama siya tumigil sa pagtatrabaho bilang senador.